Sijunjung (SUMBAR).GP- Indak basuruak-an luko dikaniang, Antah Dek sisiak Bana Nan dak elok, Dek untuang nasib Rang Kabupaten Sijunjung. Sajak dari Unggan hinggo ka Takuang.
KUDO ANGHE:
Sasui bana bak kato Angku Zainal Abidin nan bagala "Sutan Pangeran",
Berucap lantang pada saat peringatan untuk pertama kali hari jadi Kabupaten Sawahlunto/ Sijunjung diperingati yakni seputar tahun 1983;
Katanya "Masyarakat Sijunjung mengtamsilkan dan mengidolakan binatangnyo CIPAN".
Ba badan gapuak , Putiah sakarek bagian punggung belakang,
Babilalai pendek, gigi Ndak ado,
Bakuku tigo, makan manjilek, dagiang Ndak katuju dek harimau,
Kok dihariak Inyo pakak,
Kok babisiak tadanga jaleh.
Nan tasabuik Kudo Anghe.
"DIHAROK TUNJANG,
TUNGKAI NAN TIBO"
Dek malang nasib urang Sijunjuang,
Katiko dekter Zainal Haruman mancalon Bupati,
Katiko musim tahun '95,
Diharok tunjang nan kan dapek,
Kironyo tungkai nan babarikan.
Zalnofri nan diharok untuak kaduo,
Syahrul Anwar balambin jadi bupati.
"MATI DEK KAWAN"
Dibukak zaman reformasi,
Katiko barubah maso itu,
Sijunjung mati dek kawan,
Jalan baduo Ndak ditangah,
Jalan surang nak dahulu,
Lamak Aie Putiah dari cindua durian,
Datang hoyak kuncang lime,
Adat limbek, pusako kalumpuang,
Palaluar Jo Koto Tanjuang,
Dari dahulu tali manali,
Iyo lah malang nasib Sijunjuang,
Cadiak bajua entong babali.
Urang Sijunjuang murah dirayu,
Diumbuak Jo tobu manih,
Batang Cibarau nan bakunyah.
Kan Iyo juo kecek dokter Mendro,
Raso marantau dikampuang surang.
Banyak bana padi bakaka,
Kama kan manjamua,
Hari tu bana nan dak paneh.
Lah banyak tamu dari panonton.
Pulang ma-alum kakito nan basamo.
Kok lai ingin nasib kabarubah,
Layanganlah pandangan jauah,
Dan tukiak-an lah pandangan dakek.
"Sabanta lai Pemilu kan tibo"
Kudo Aghe didalam Polak,
Dipauik dek rang Sijunjuang,
Kok lai Ado nan diawak,
Kanapo urang LAIN nan badukuang.
#GP | Sijunjung | 13 Februari 2024.
Tidak ada komentar:
Posting Komentar